L'Austriac Vincent Kriechmayr gudogna la cursa sin il Stelvio cun ina prestaziun persvadenta. Per Kriechmayr èsi la segunda victoria tar ina cursa aval da questa stagiun.
Il podest
- Vincent Kriechmayr (AUT), 1:54,68 minutas
- James Crawford (CAN), +0,40 secundas
- Aleksander Kilde (NOR), +0,68 S
Dominik Paris, ch'aveva gia gudagnà 7 giadas la cursa rapida a Bormio, n'ha questa giada betg pudì persvader. Cun in retard da 2,29 secundas è el vegnì 7avel.
Prestaziuns dals Svizzers
En tut van 7 Svizzers ids a la partenza. Cun in quart rang ha Marco Odermatt mussà la meglra prestaziun. El perda dentant bunamain ina secunda e mez sin il victur. Cun Urs Kryenbühl , Justin Murisier e Gilles Roulin èn trais ulteriurs Svizzers en ils top 10.
- 4. Marco Odermatt, +1,46 secundas
- 6. Urs Kryenbühl, +1,88
- 7. Justin Murisier, +2,17
- 8. Gilles Roulin, +2,18
- 15. Stefan Rogentin, +3,07
- 21. Alexis Monney, +3,27
- 42. Josua Mettler, +6,41
Niels Hintermann ha desistì dad ina partenza cun quai ch'el haja simptoms da gruppa.