La nova stagiun da skis ha cumenzà tenor giavisch per las Svizras. Lara Gut-Behrami ha terminà il slalom gigant a Sölden en l'Austria sin il segund plaz.
Il podest
- 1. Mikaela Shiffrin (USA)
- 2. Lara Gut-Behrami (SUI) +0,14 secundas
- 3. Petra Vlhova (SVK) +1,30 secundas
Suenter l'emprim percurs manava Lara Gut-Behrami anc cun in avantatg minimal da 0,02 secundas sin Mikaela Shiffrin. L'Americana ha pudì festivar a Sölden sia 70avla victoria da la carriera en la cuppa mundiala.
Las ulteriuras Svizras
- 24. Andrea Ellenberger +3,58 secundas
- 25. Michelle Gisin +3,62 secundas
Damaun cumenza lura la stagiun dals umens. Quai medemamain cun in slalom gigant a Sölden.