Dario Cologna ha mussà ina ferma cursa en la disciplina ch'el n'ha betg uschè gugent. En ils 15 kilometers stil classic ha il Grischun gì 32 secundas retard sin il Norvegiais Martin Johnsrud Sundby. Er Jonas Baumann po esser cuntent cun ses 14avel plaz.
Suenter set medaglias olimpicas e da campiunadis mundials, ha Martin Johnsrud Sundby uss gudagnà sia emprima medaglia en ina cursa singula. Tar temperaturas miaivlas da radund 12°C ha el gì 2,9 secundas avantatg sin il segund, il Russ Alexander Bessmertnych. Bronz ha gudagnà Ivo Niskanen.
RR novitads 16:00
