Triumf istoric 2007 - Toni Livers: «Quest di na vegn jau mai ad emblidar»
Avant 15 onns ha Toni Livers procurà per in mument istoric a las cursas da la cuppa mundiala da passlung a Tavau. Il Sursilvan ha gudagnà ils 3 da favrer 2007 la cursa da 15 kilometers en il stil liber.
Toni Livers è fin oz il sulet currider svizzer ch’ha uschia triumfà ina giada a la cuppa mundiala da chasa a Tavau. Questa victoria ha el dentant er stuì parter cun il Franzos Vincent Vittoz ch’era stà exact tuttina spert.
Legenda:
Cun il numer 8 ha Toni Livers battì il 2007 l'entira concurrenza internaziunala sin sia loipa da chasa a Tavau.
Keystone
A l’ur da las cursas da Tavau Nordic 2022 ha RTR anc ina giada mirà enavos cun Toni Livers sin quest punct culminant en la carriera dal Sursilvan ch’è oz trenader dals giuvens passlungists svizzers e che viva cun sia famiglia a l’ur da la loipa a Tavau.
