Gudagnà la quarta etappa ha il duo svizzer Gian Schmid e Lukas Flückiger cun in temp da 3:09:48. Ursin Spescha e Simon Walter han gì stagrs duas minutas pli ditg ed uschia cuntanschì il segund plaz. Terz plaz han fatg il Franzos Hans Becking ed il Beltg Wout Alleman.
Ursin Spescha e Simon Walter han vinavant schanzas per gudagnar il classament general. Il mument èn els sin plazza dus. A la testa èn ussa Gian Schmid e Lukas Flückiger. Plazza trais occupeschan actualmain il duo talian Lorenzo Samparisi e Nicolas Samparisi.
La quarta etappa maina da Tavau a Cuira – quai sur il Pass dal Strela cun il pli aut punct d'etappa da 2'352 meters sur mar. Vinavant vai sur il Viaduct da Langwies, il Fil da Scanvetg ed il Mittenberg. En tut èn quai 64 kilometers cun 2'350 meters ensi e 3'350 meters engiu.
