Suenter 48 onns en Bregaglia ha Attilio Tam da Malögia decis da porscher quest onn in curs da tiradurs giuvens regiunal a Samedan. Il curs regiunal ha el organisà en collavuraziun cun pliras societads da tiradurs da l’Engiadin’Ota ed il Puschlav.
Grond interess
La fascinaziun dal sport da tir para d’esser gronda, var 30 giuvnas e giuvens èn s'annunziads per il curs da quest onn. Per l’um da 69 onns saja il pli impurtant da pudair surdar la passiun per il sport da tir a giuvnas e giuvens interessads. En il center stettia la segirezza. Per Attilio Tam saja quai la pli gronda sfida – cun pazienza e sia gronda experientscha sappia el però precis co manar ils giuvens tras il curs.
Anfang Bildergalerie
Bildergalerie überspringen
-
Bild 1 von 5. Var 30 giuvnas e giuvens participeschan al curs da tiradurs per giuvenils. Bildquelle: RTR.
-
Bild 2 von 5. Las reglas davart las armas èn centralas. Bildquelle: RTR.
-
Bild 3 von 5. Attilio Tam declera il schluppet. Bildquelle: RTR.
-
Bild 4 von 5. La segirezza stat en il center. Bildquelle: RTR.
-
Bild 5 von 5. La segirezza stat en il center. Bildquelle: RTR.
Ende der Bildergalerie
Zurück zum Anfang der Bildergalerie.