Per la cuppa mundiala da biatlon a Lai èn radund 600 persunas engaschadas. In che lavura per quest punct culminant en l'Arena da biatlon a Lantsch è l’anteriur biatlet da Trin, Serafin Wiestner. El lavura quels dis en il biro da cursa ed è tranter auter responsabel per ils numers e las glistas da partenza sco era per las rangaziuns.
Serafin Wiestner aveva terminà la fin da la stagiun passada sia carriera da biatlon. El lavura anc adina sco guardia-cunfin, abitescha dentant dapi quest onn ad Erfurt en la Germania, quai pervia da l’amur.