Il giuven Lumnezian da 13 onns che frequenta la scola da talents a Glion tutga tar in dals ferms mountainbikers en sia categoria sut 15 onns (Mega U15). Quai ha el er mussà a la suletta cursa dal Swiss Bike Cup en il Grischun. Tar cundiziuns fraidas e bletschas ha Alessandro Solèr pers be quatter minutas sin il victur, ses collega Noé Forlin da Sargans. Tut en tut èn stads a la partenza passa 60 uffants en questa categoria.
Impressiuns d'Alessandro Solèr dal Club da Velo Surselva
-
Bild 1 von 11Legenda: Igl è dumagnà. Alessandro Solèr en l'arrivada. Andreas Wieland -
Bild 2 von 11Legenda: La buglia – ina sfida per atlets e material. Andreas Wieland
-
Bild 3 von 11Legenda: En il bus vid il spetgar sin la cursa. Andreas Wieland
-
Bild 4 von 11Legenda: Betg mo cundiziun, er la tecnica è dumandada. Andreas Wieland
-
Bild 5 von 11Legenda: Alessandro Solèr cun il numer 1510 sin la rolla. Andreas Wieland
-
Bild 6 von 11Legenda: Alessandro Solèr è cuntent cun sia prestaziun en la buglia da Savognin. Andreas Wieland
-
Bild 7 von 11Legenda: Alessandro Solèr cun la giacca oranscha vid il spetgar sin il «call up». Andreas Wieland
-
Bild 8 von 11Legenda: Alessandro Solèr vid vegnir a chaud per la cursa. Andreas Wieland
-
Bild 9 von 11Legenda: Paucas secundas avant il tun da partenza. Andreas Wieland
-
Bild 10 von 11Legenda: Alessandro Solèr è sa tegnì durant l'entira cursa sut ils top 10. Andreas Wieland
-
Bild 11 von 11Legenda: Alessandro Solèr vid analisar la cursa cun il victur Noé Forlin. Andreas Wieland
RTR ha accumpagnà il giuven mountainbiker da Lumbrein a quest di da cursa. Malgrà la mal’aura e la buglia è Alessandro Solèr cuntent cun sia prestaziun. El saja sin buna via, ha el manegià en l’arrivada. La finamira ed il siemi saja da sa participar in di a cursas da la cuppa mundiala.