-
Bild 1 von 11. Lena Kropf direcziun Pass Alpsu. Bildquelle: Andreas Wieland.
-
Bild 2 von 11. Paucas minutas avant la partenza a Sedrun. Bildquelle: Andreas Wieland.
-
Bild 3 von 11. Sin passa 300 curridras e curriders spetgan dirs 41 kilometers – bun viadi. Bildquelle: Andreas Wieland.
-
Bild 4 von 11. Il Marocan Elhousine Elazzaoui, victur dals umens, ha dictà il tempo dad A fin Z. Bildquelle: Andreas Wieland.
-
Bild 5 von 11. Nina Zoller, victura da la dunnas sur la distanza roiala. Bildquelle: Andreas Wieland.
-
Bild 6 von 11. Aua frestga da Tschamut avant ch'ir direcziun Piz Cavradi. Bildquelle: Andreas Wieland.
-
Bild 7 von 11. Prescripziuns da Corona han er giugà al Rheinquelle-Trail ina rolla impurtanta. Bildquelle: Andreas Wieland.
-
Bild 8 von 11. Ciril Deplazes dal comité d'organisaziun è gist ì sez a la partenza. Bildquelle: Andreas Wieland.
-
Bild 9 von 11. Il Pass Alpsu en mira, in dals davos puncts centrals. Bildquelle: Andreas Wieland.
-
Bild 10 von 11. A quest currider mancan anc bun 5 kilometers fin en l'arrivada a Sedrun. Bildquelle: Andreas Wieland.
-
Bild 11 von 11. In sitg bain merità per Davide Beer suenter ils strapazs sur 41 kilometers. Bildquelle: Andreas Wieland.
Podest dals umens «Lai da Tuma-Trail»
- Elhousine Elazzaoui (1992), Maroc 4:41.12,7
- Kevin Vermeulen (1992), Ollon 4:48.12,6 +6.59,9
- Lucien Epiney (1981), Zinal 4:52.20,4 +11.07,7
Tar las dunnas ha Nina Zoller da Cuira triumfà. Zoller è tranter auter daventada l’onn passà campiunessa mundiala en il duatlon sur la distanza lunga.
Podest da las dunnas «Lai da Tuma-Trail»
- Nina Zoller (1987), Cuira 5:36.31,9
- Kathrin Götz (1979), Bellach 5:38.47,9 +2.16,0
- Daniela Oemus (1989), D-Stadtroda 5:51.56,3 +15.24,4
Il pli spert dal «Tgom-Trail», la cursa curta sur 16,2 kilometers è stà Samuel Jud (1985) da Männedorf en in temp da 1:45.25,5. Tar las dunnas ha gudagnà questa cursa Sabina Bigger (1979) da Claustra en in temp da 2:01.11,5.
Resultats «Rheinquelle-Trail» 2020
Passa 500 curridras e curriders
La premiera dal «Rheinquelle-Trail» ha carmalà a Sedrun passa 500 curridras e curriders, quai èn dapli che spetgà. Tenor Ciril Deplazes, schef da la ruta, haja quai dà dus motivs che tants curriders sajan stads a la partenza. Per l’ina saja quai ina da las sulettas cursas durant quest temp da corona e per l’autra hajan els cun Stefan Schwenke da Mustér in vair profi en il comité d’organisaziun, ina persuna cun ina gronda experientscha d’organisar tals events.
Grisch e bletsch n’ha disturbà nagin
Er sche l’aura n’ha betg manegià bain cun ils Tuatschins èsi stà aura quasi perfetga per currer. La gronda part dals participants è mitschada tras la cursa senza vegnir bletschs da la plievgia. Plinavant saja stà ina temperatura ideala per currer, betg memia chaud sco ils ultims dis, uschia ils resuns da blers curriders. Sulet ils nivels han procurà che curridras e curriders n’han betg gì ina clera e bella survista sur culms e vals sco forsa giavischà.