My Hockey League
Nagins problems n'ha il leader Cuira gì la mesemna saira ordaifer cun la laterna cotschna, Bülach. Bain manava l'EHC Cuira suenter l'emprim terz mo cun 1:0 – il resultat final è dentant cler cun 10:2. Cun quest resultat ha Cuira pudì defender il plaz sisum la tabella.
Arosa ha era gì ina partida ordaifer, e cunter Frauenfeld è resultà ina terrada dad 1:3. Il sulet gol per Arosa ha sajettà Valentino Varano en la 29avla minuta – al stan intermediar dad 1:2. Diesch minutas pli tard ha Frauenfeld lura fatg il gol decisiv. Arosa è vinavant sin rang 3 da la tabella.
Segunda liga
A chasa ha Lai-Valbella gudagnà cun 2:1 cunter Kreuzlingen-Konstanz. Baud èn ils Grischuns ids en avantatg, ils giasts han dentant pudì egualisar al cumenzament dal davos terz. Suenter 56 minutas ha Lai-Valbella lura pudì sajettar il gol a la victoria.
