En la segunda liga ha San Murezzan gudagnà cunter Dielsdorf-Niederhasli cun 3:2. Suenter il 1:0 dad Armon Niggli per San Murezzan, han ils Turitgais reagì e sajettà il 1:1 ed il 2:1 en il segund terz. Il gieu è ì en l'emprima prolungaziun suenter il 2:2 da Marco Tosio. Armon Niggli ha la fin er procurà per il terz gol ed uschia per la victoria.
Il CdH Engiadina ha gudagnà cunter l'EHC Uzwil cun 4:3 suenter prolungaziun. Il gol decisiv ha sajettà Sandro Ritzmann en la 62avla minuta.
L'EHC Lai Valbella ha pers la partida cunter l'EHC Dürnten cun 3:4.
Cuira perda nunspetgadamain
En la My Hockey League ha L'EHC Cuira pers la partida ordaifer cunter Langenthal cun 2:3 suenter prolungaziun. Quai è ina surpraisa perquai che Langenthal ha gudagnà questa stagiun mo in gieu. Cuira resta dentant sin plaz in da la tabella.
l'EHC Arosa ha gudagnà ordaifer cunter Düdingen cun 3:1 grazia dus gols da Patrick Bandiera. Arosa è sin plaz trais da la tabella cun il medem dumber da puncts sco Huttwil sin plaz dus.
Nagina schanza per Herisau cunter Partenz Signuradi
En l'emprima liga ha il HC Partenz Signuradi gudagnà la partida cunter il SC Herisau cun 5:0. Per la squadra grischuna è quai la 6avla victoria en la 6avla partida da la stagiun.