Il newcomer grischun da l'onn Vital Albin ha manchentà a la cursa dal Swiss Bike Cup ad Andermatt be per pauc la victoria en la categoria dals U-23. Albin è vegnì segund davos Filippo Colombo dal Tessin. Persvadì tar ils U-23 ha era Ursin Spescha, il mountainbiker da Sevgein è vegnì 7avel.
Il ciclist indigen Reto Indergand ha gudagnà ad Andermatt la cursa d'elita dal Swiss Bike Cup. Indergand ha gudagnà la cursa en il chantun Uri cun in avantag da 17 secundas avant ses prim concurrent, Martin Fanger.
audio
Velo - Vital Albin segund a la cursa dal Swiss Bike Cup ad Andermatt
03:13 min, ord Sportissimo dals 25.06.2017.
laschar ir. Durada: 3 minutas 13 Secundas.
audio
Velo - Ursin Spescha persvada Swiss Bike Cup ad Andermatt
02:36 min, ord Sportissimo dals 25.06.2017.
laschar ir. Durada: 2 minutas 36 Secundas.
Ord vista grischuna ha Andrin Beeli da Sagogn procurà tar l'elita per il meglier resultat. Beeli ha terminà la cursa ad Andermatt sco 15avel, quai cun in retard da set minuts e mez sin Indergand.