Il champiun olimpic ha stuì terminar sia stagiun pervi dad ina blessura dal dies. A las cursas da Park City en ils Stadis Unids ha Nevin Galmarini malgrà tuttas mesiras da terapia e medicaments stuì rumper giu la cursa. El è tuttina sgulà a la cuppa mundiala a Pyeongchang en la Corea dal Sid, è dentant buc partì a las cursas. Dapi ses return ha el communitgà che la stagiun saja a fin. Nevin Galmarini lavura ussa cun fisio e trenament vid ses comeback.
Guardar tiers co mes concurrents cumbattan qua a Scuol per medaglias, quai è la pura tortura.
Nevin Galmarini è stà present a la cuppa mundiala da Scuol sco commentatur da las cursas. Er sche la stagiun 2018/2019 è finida per el, è la finamira pli che clera. Il champiun olimpic d’Ardez vul turnar topfitt en la proxima stagiun e cumbatter davant tiers.
TSG 17:40