Sco gia l’onn passà vegn er il Nordic Culinaric 2022, l’occurrenza da passlung da Trun a Mustér e return, franada dal coronavirus. La situaziun actuala da Covid-19 cun las perscripziuns e restricziuns d’ustaria ed en halla han motivà ils responsabels da desister d’ina realisaziun.
L’eveniment ch’avess festivà quest onn il giubileum da 10 onns è caracterisà cun ina part culinarica per s’entupar e giudair ed ina part sportiva adattada a mintga currider. Il 10avel Nordic Culinaric duai uschia avair lieu il 2023.