Tar la concurrenza da skeleton è la giuvna Sara Schmied da Schlarigna vegnida campiunessa svizra.
Pli stretga era la decisiun alura dentant tar la concurrenza dals umens cun il bob a dus. Er qua hai dentant dà in success indigen. Il pilot Cédric Follador da Bever ha gudagnà la cursa avant Simon Friedli e Timo Rohner. Suenter l’emprim percurs manava Simon Friedli anc il classament intermediar, mo cun in tschientavel avantatg. Suenter la segunda cursa era il bob da Cédric Follador dentant pli spert.
Per il pilot da bob indigen è quai l'emprim titel da campiun svizzer cun la schlitta pitschna. Quel ha el cuntanschì cun il franader Dominik Hufschmid. Damaun dumengia ha Cédric Follador anc la schanza da repeter quest success cun il bob a quatter.
