Ina giada l’onn s’entaupa la gronda famiglia dal sport en il Grischun per la gala da la notg dal sport grischun. En l'auditori da la Banca Chantunala vegnan las sportistas ed ils sportists da l’onn en tschintg differentas categorias tschernids. En la categoria principala dal sportist u la sportista grischuna da l’onn è vegnì tschernì il skiunz Stefan Rogentin da Lai.
Il premi – dotà cun 10'000 francs – è vegnì surdà al skiunz da 30 onns suenter ina procedura da votaziun dal public e d'ina giuria. Stefan Rogentin succeda uschia a la campiunessa mundiala da la cursa aval Jasmine Flury da Tavau Monstein.
Rogentin va cun premi principal, sper quel datti ulteriuras distincziuns
Sper la tscherna dal sportist u la sportista grischuna da l’onn datti ulteriuras tschernas. Uschia è er exempel il funcziunari e trenader engiadinais Reto Matossi vegnì tschernì en questa categoria.
Tar las uniuns ch’eran nominadas è vegnida tschernida la Societad da tregants da Tumegl. Vitiers è la giuvna skiunza Anuk Brändli d'Arosa vegnida tschernida en la categoria da las giuvnas sportistas e per finir hai era anc dà in premi da renconuschientscha per la rampignadra cun handicap Amruta Wyssmann.
