Ronny Cavegn ha stuì terminar la cursa gia suenter l’emprima etappa pervia d'ina embolia dal lom. Norbert Cavegn ha lura cuntinuà la cursa persuls, dentant stuì ceder avant l’etappa finala perquai ch’el è crudà ed ha rut ina spatla.
Sinaquai ha il duo lumnezian prendì in zic distanza dal Cape Epic ch’els persequiteschan questa giada be davent da chasa. Sutterrà il project Cape Epic n’han Norbert e Ronny Cavegn dentant betg. Els èn sa decidids da prender part a l’ediziun 2024, lura cun la finamira da terminar questa cursa che vala sco la pli dira cursa da mountainbike dal mund, er numnada il Tour de France dals mountainbikers.