Per il club da hockey d'Arosa è la stagiun a fin. Ils Grischuns han pers il 5avel gieu da playoff quartfinal en la MyHockey League ordaifer cunter Seewen cun 2:3 suenter prolungaziun ed uschia la seria medemamain cun 2:3.
Seewen è questa stagiun mai stà in simpel adversari per ils Grischuns. Mo in gieu han els gudagnà avant ils playoffs. Er en ils playoffs hai pir duvrà dus gieus enfin che l'equipa ha chattà in recept cunter ils da Sviz.
Pia è era la promoziun nagina pussaivladad pli per Arosa. Durant la fasa regulara da la stagiun ha Arosa ditg tegnì cun e gì bler success. En ils playoffs èsi dentant vegnì pli grev.