En la My hockey league ha l’EHC Arosa gudagnà l'emprim derbi grischun da la stagiun cunter l'EHC Cuira, quai cun 2:1 suenter sajettar penaltis.
En l'emprim terz hai dà nagins gols. En il segund terz ha Greg Halberstadt fatg l'emprim gol per l'EHC Cuira e 5 minutas pli tard ha lura Andreas Tschudi da l'EHC Arosa egualisà al 1:1. Perquai ch'i è restà tar 1:1 era suenter la prolungaziun han las duas equipas stuì sajettar penaltis.
En la tabella ha l'EHC Cuira stuì far il pass davent da la testa da la tabella enavos sin plazza 3. L'EHC Arosa è restà sin posiziun 6.
