-
Bild 1 von 6Legenda: Dapi questa stad è Fabrizio Cavegn giuader tar l'equipa U18 da la Svizra Sidorientala. MAD FABRIZIO CAVEGN -
Bild 2 von 6Legenda: Fabrizio Cavegn siemia d'ina carriera sco profi. MAD Fabrizio Cavegn
-
Bild 3 von 6Legenda: Fabrizio Cavegn è actualmain topscorer da sia equipa. MAD Fabrizio Cavegn
-
Bild 4 von 6Legenda: Fabrizio Cavegn è in giugader che è da chasa en l'offensiva. MAD Fabrizio Cavegn
-
Bild 5 von 6Legenda: Il ballape è adina stà la gronda passiun dal giugader da Vella. MAD Fabrizio Cavegn
-
Bild 6 von 6Legenda: Il giuven da 17 onns giugava l'onn passà anc tar la US Schluein Glion. MAD Fabrizio Cavegn
Dapi la stad gioga Fabrizio Cavegn tar il «Team Südostschweiz» sut 18 onns, in'equipa ch'è vegnida fundada da nov e che dat il campiunadi svizzer cunter las equipas giuvnas da Basilea, YB u Turitg. I saja adina fitg spezial ed ins saja er adina fitg motivà da giugar cunter questas equipas.
Sch'ins ha il cletg necessari, pon ins forsa era dar in di tar in'equipa sco Basilea u Turitg.
Il giuven da Vella sa dentant, ch'igl è ina lunga via e ch'i dovra er cletg. En il dretg mument, cu ils responsabels d'in club guardan tiers, èsi da mussar la meglra prestaziun. Sche Fabrizio Cavegn discurra dentant da daventar profi, discurra el er d'ina finamira e betg mo d'in siemi.
Per che sia finamira daventia realitad investescha il giuven bler. Trais giadas ad emna trenescha el a Cuira, mintga fin d'emna dat el in gieu. Plinavant fa el era anc in emprendissadi sco miradur a Vella. Il temp liber è stgars tar il giuven da 17 onns.
Ballape è adina stà il center da sia vita
Per il giuven da 17 onns è ballape adina stà dapli che mo in hobi. Da pitschen ensi ha el passentà quasi mintga secunda da ses temp liber cun il bal. Il pli savens cun ses frar vegl Marino. «Nus avain adina tratg in l'auter dad ir a dar ballape». Anc oz giajan els fitg savens ensemen sin plaz da scola per dar ensemen bal. Insumma è il ballape adina il tema che dominescha. Er ses bab è in grond amatur da ballape ed è actualmain trenader-assistent da l'uniun sportiva Schluein Glion.
Per mai è ballape dapli che mo in hobi.
Fabrizio Cavegn - ubain ... ubain
campiunadi svizzer juniors sut 18 onns
RTR actualitad 11:15