En l'emprima liga da hockey sin glatsch ha il club da hockey da Partenz-Signuradi en il mezfinal dals playoffs pers cunter l'EHC Wetzikon cun 4:3. Uschia han els dà or da maun l'emprima ed uss er davosa schanza da sa qualifitgar per il final en l'emprima liga.
Cunter Wetzikon aveva Partenz-Signuradi gia perdì ils emprims dus gieus, en il terz han els anc ina giada pudì turnar cun 5:4. En il final dat Wetzikon cunter l'EHC Dübendorf.
My Hockey League
Arosa perda suenter prolungaziun 3:2. Suenter in cumenzament empermettent cun dus gols per l'EHC Arosa en la MyHockey League en la partida ordaifer cunter l'EHC Seewen ha la squadra Grischuna stuì tremblar. L'adversari Seewen ha lura medemamain fatg dus gols ed il temp regular è ì a fin cun in pari da 2:2. Durant il temp da prolungaziun ha Seewen fatg il gol decisiv ad in 3:2.
