La squadra dal HC Partenz Signuradi è quasi la medema sco la stagiun passada. Il pli grond midament ha quai dà sin il banc da trenader. Reto Centerhorn, oriundamain da Tavau, ha surpiglià il post da Tomas Tamfal, ch’è vegnì relaschà.
La finamira minimala da l’equipa è da vegnir en ils playoff. Jau vul cuntanscher il final.
Buna partenza en la nova stagiun
Da bell’entschatta è il HC Partenz Signuradi cumpetitiv en l’emprima liga hockey. La squadra grischuna ha bain gudagnà duas giadas encunter la medema squadra, encunter Reinach. Partenz Signuradi ha dentant era gudagnà la partida encunter Wetzikon. Quai era in gieu fitg dramatic. Partenz Signuradi ha stort il gieu a sia favur pir durant l’ultima minuta.
Dario Caduff giauda la fiduzia e vul dar segirtad
Per il goli sursilvan è quest onn la segunda stagiun en il dress dal HC Partenz Signuradi. Sco junior aveva il goli da Laax gia dà ina giada cun Partenz Signuradi. Dapi la stagiun passada è el pia puspè enavos tar l’equipa nua che tut aveva cumenzà. Dario Caduff ha cleramain la rolla da l'emprim goli. El ha dà quasi tut las partidas durant la stagiun passada. Ed era questa stagiun ha el cumenzà sco goli numer in. El giauda la fiduzia da la squadra e vul purtar cun sia experientscha ils golis da reserva Sany Derungs e Marvin Berri enavant.
