-
Bild 1 von 6Legenda: RTR, Gian Carlo Candinas -
Bild 2 von 6Legenda: Buca mal publicum è vegnì per guardar e festivar. RTR, Gian Carlo Candinas
-
Bild 3 von 6Legenda: Il gieu dals veterans: Anteriurs da la squadra naziunala cunter anteriurs dal CB Cuira. RTR, Gian Carlo Candinas
-
Bild 4 von 6Legenda: Sa chapescha èsi era da tgirar ils fans, sco qua Diego Benaglio… RTR, Gian Carlo Candinas
-
Bild 5 von 6Legenda: … e qua Ludovic Magnin. RTR, Gian Carlo Candinas
-
Bild 6 von 6Legenda: E tgi chatta il promi qua? (ssǝɹƃ ʇɹǝqlıƃ) RTR, Gian Carlo Candinas
La federaziun grischuna da ballape festivescha ses giubileum da 100 onns. Igl è stà il 1921, cura che amaturs dal ballape grischun han fundà la federaziun grischuna da ballape. Concret è quai stà persunas dals clubs da Cuira, da Domat e dal club da sport da la Scola chantunala. Oz dumbra la federaziun da ballape grischuna radund 30 clubs da ballape.
Ozendi è il ballape en Grischun il pli popular en Surselva ed en la regiun da Cuira. En il Surmeir ha il ballape fitgà pe ils onns 80. Il sulet club, il CB Surses, è vegni fundà il 1980. In grev stan ha il ballape adina gì en l'Engiadina, nua che mo 2 equipas activas fan actualmain part al campiunadi.
Per guardar enavos sin ils 100 onns ha il BFV er publitgà in cudesch cun numerusas anecdotas dal ballape en il Grischun. Il president d'onur da la federaziun grischuna da ballape Alberto Crameri ha tradì intginas istorgias dal cumenzament en il Grischun.
Festa da giubileum a Cuira
Il giubileum da 100 onns è vegnì festivà la sonda tranter auter cun in gieu da ballape tranter in'equipa d'anteriurs giugadurs da la naziunala svizra e l'anteriura equipa da Cuira che deva ils onns 80-90 en la liga naziunala B. Giugaders sco Diego Benaglio, Ludovic Magnin, Erni Maissen u Georges Bregy èn stads sin il plaz. La Svizra ha gudagnà quest gieu cun 6:2.