L'anteriur skiunz da Sursaissa Carlo Janka sustegna da nov il trenader da fitness dal club da hockey da Cuira Michael Bont. Sco quai che l'EHC Curia scriva sin sia pagina d'internet, èn ils dus responsabels per la fitness e la nutriziun dals giugaders. Bont e Janka s'enconuschan gia dapi il temp che Janka era anc sportist d'elita activ. Da lez temp era Bont il trenader da fitness da Janka.
L'EHC Cuira perda ses top-giugader
Simon Lüthi e Daniel Carbis han decis da terminar lur carriera da hockey e bandunan il club. Cun Carbis, ch'ha 35 onns, perda l'EHC Cuira il giugader ch'ha adina procurà per blers gols e gidà il club da cuntanscher la segund auta liga.
En vista da la proxima stagiun da la «Swiss League» ha il club da Cuira prolungà il contract dals suandants trais giugaders:
- Timo Demuth
- Denys Rubanik
- Niels Riesen
Nus ans legrain che nus dastgain era quintar cun il prezius sustegn da Timo, Denys e Niels per la Swiss League 24/25 .
