Giuvens giugaders dal EHC Cuira pudessan uschia rimnar dapli experientscha tar il EHC Arosa per lura esser pront per la Swiss League, la segunda auta liga da hockey en Svizra. Da l’auter maun duain dentant er giugaders talentads d’Arosa survegnir la schanza da giugar en questa Swiss League. La finamira saja d’engaschar ils giugaders là nua ch’i stettian actualmain, uschia Björn Gerhard, il Head of Sports tar il EHC Cuira. Per omadus clubs saja quai ina situaziun da win-win, pertge cunzunt per ils giuvens saja impurtant ch’els possian giugar uschè bler sco pussibel, precisescha Björn Gerhard.
Questa collavuraziun è stada pussibla damai ch’ils dus clubs grischuns dattan a partir da la stagiun 2024/2025 en ligas differentas. Durant ch’il EHC Arosa resta en la MyHockey League è il EHC Cuira turnà enavos en il hockey professiunal e dat davent da uss en la Swiss League.