Il mountainbiker lumnezian ha gudagnà a Cazas la cursa dal campiunadi grischun da velo da via. Vital Albin ha battì en il sprint final Ursin Spescha da Sevgein per 0,6 secundas, quai suenter 59,5 kilometers (7 rundas à 8,5 km). Cumplettà il podest sco terz ha Jan Sommer da Andwil en il chantun Son Gagl. El ha pers 25,8 secundas. Tar l’elita è er stà a la partenza il mountainbiker Lars Forster ch’è vegnì 6avel. Percunter n'ha Nino Schurter betg prendì part a questa cursa.
Resultats campiunadi grischun:
La cursa da las dunnas ha gudagnà suveran Alessia Nay da Zezras. Ella ha distanzià Alia Pfiffner da Tavau sco segunda e Larissa Tschenett da Cuira sco terza per bun ina minuta e mesa.
Tut en tut èn stads a la partenza 39 ciclists ed 8 ciclistas.