-
Bild 1 von 6Legenda: Relaziuns da siemi e blera naiv a Sedrun. Andreas Wieland -
Bild 2 von 6Legenda: Pervia da Corona èn las cursas vegnidas manadas atras senza public. Andreas Wieland
-
Bild 3 von 6Legenda: Sulegl, blera naiv e temperaturas bassas a Sedrun. Andreas Wieland
-
Bild 4 von 6Legenda: Il campiunadi svizzer a Sedrun è vegnì organisà dal Club da skis Sedrun ensemen cun Swiss Ski. Andreas Wieland
-
Bild 5 von 6Legenda: A l'emprim di è stà sin il program las cursas cun partenza singula. Andreas Wieland
-
Bild 6 von 6Legenda: Las medaglias per ils emprims trais da mintga categoria. Andreas Wieland
Per Jason Rüesch èsi gia il quart titel da campiun svizzer. Il 2016 avev’el gudagnà la cursa da persecuziun, in onn pli tar la cursa da 15 kilometers ed in di pli tard er la cursa da persecuziun. A Sedrun ha Jason Rüesch ch’ha 26 onns triumfà avant Dajan Danuser e Livio Bieler da Panaduz.
Resultats umens e dunnas – cursas cun partenza singula
Alina Meier, campiunessa svizra en la cursa da staffetta il 2016 ed en la cursa da 5 kilometers stil classic il 2018, ha gudagnà a Sedrun avant Anja Weber e Désirée Steiner, er ella ina curridra da Tavau. A la partenza è er stada Seraina Boner. L’anteriura passlungista da la cuppa mundiala e spezialista da distanzas lungas è vegnida 7avla.
Cla-Ursin Nufer manchenta ina medaglia
Ina buna prestaziun ha er il mattadur local, Cla-Ursin Nufer mussà. El è vegnì en la categoria dals umens U20 5avel tar quest campiunadi svizzer sin sia loipa da chasa. Per in plaz da podest han sulet bun tschintg secundas mancà. Gudagnà tar ils umens U20 ha Antonin Savary.
Al segund di dal campiunadi svizzer a Sedrun spetgan la dumengia las cursas da persecuziun, quella dentant en il stil classic.