Ils 18 e 19 d'october èsi puspè uschè lunsch: la quarta ediziun dal Big Air Chur ha lieu en la Obere Au. Las meglras snowboardistas ed ils megliers skiunzs dal mund mussan lur abilitads sin la pli gronda schanza en Svizra da la cuppa mundiala da freeski e snowboard da la FIS. Il Big Air Chur porscha sper freestyle e sport era musica live ed action.
Sin l'areal da l'eveniment pon las visitadras ed ils visitaders far experientschas en il skate-parc, empruvar ora autras differentas activitads, giudair bun da mangiar u lura laschar ir a fin la notg cun far festa.
Livestream Big Air Chur
Persequitai live cura ch'ils profis da snowboard e freeski sco Andri Ragettli, Mathilde Gremaud, Jonas Bösiger u Sarah Höfflin intgantan la fulla a Cuira cun lur trics. RTR emetta ils sigls giu da la schanza sco livestream. Exclusiv sin rtr.ch pudais sper ils finals er gia guardar las qualificaziuns dad omadus dis.
Survista dal livestream
Data | Temp | Disciplina |
Venderdi, ils 18 d'october 2024 | 09:10 | Qualificaziun freeski dunnas |
12:20 | Qualificaziun freeski umens | |
20:00 | Finals freeski | |
Sonda, ils 19 d'october 2024 | 09:10 | Qualificaziun snowboard dunnas |
12:00 | Qualificaziun snowboard umens | |
20:00 | Finals snowboard |
Program musical
Sin tribuna èn il venderdi 4 acts:
- Bonez MC – Headliner
- $oho Bani
- Mehnersmoos
- Lou Kaena
Quai èn ils 5 acts musicals da la sonda:
- Paul Kalkbrenner – Headliner
- Nemo
- Wanda
- 77 Bombay Street
- Happy for Real