Sco gia il venderdi, ha la plievgia era dominà la sonda al Big Air Cuira. Cunquai ch'il vent n'ha dentant betg buffà uschè ferm, hai finalmain dà da vesair per ils fans in final da spitachel en il snowboard. Ils fans n'han er betg laschà disturbar da la plievgia e las temperaturas frestgas.
Nagin final da freeski
A Cuira fiss tut stà pront per ina show sportiva dals freeskiers enturn Andri Ragettli da Flem. Cun la concurrenza da Big Air dueva la stagiun da freestyle vegnir lantschada a moda spectaculara. Pervia da l'aura miserabla èn ils responsabels dentant vegnids sfurzads d'annullar ils finals. ll ferm favugn e la plievgia han impedì da far la concurrenza. Ils concerts han dentant gì lieu.
- Per la concurrenza sportiva vegnan valitads ils resultats da la qualificaziun, Mathilde Gremaud va en consequenza cun la victoria tar las dunnas.
- Andri Ragettli percunter sto sa cuntentar cun il 10avel plaz en sia concurrenza da chasa.
Festival da musica sper la schanza
Sper il sport datti er in program musical cun artistas ed artists internaziunals, naziunals e locals. Da la Germania vegnan per exempel la gruppa Scooter.
Il line-up da venderdi ils 20 d'october
- Scooter
- Ski Aggu
- Monet192
- Nesta And The Blondes
Sonda ils 21 d'october datti sper il snowboard il suandants acts
- G-Eazy
- Nina Chuba
- Makko
- 30 Jahre Bündner Rap feat. Spooman, Gimma, Lou Zarra und weitere
- Gigi
