3. liga
Il club da ballape da Schluein/Glion ha pers ordaifer cunter Cuira cun 2:4. En la tabella perdan ils Sursilvans cunquai ina posiziun ed èn da nov sin plazza trais. Cuira è sin plazza tschintg. A la testa da la tabella resta Schaan avant Bogn Ragaz.
2. liga interregiunala
En la segunda liga interregiunala ha l'emprima equipa da Cuira gudagnà cunter Lachen/Altendorf cun 1:0. Cuira è sin il setavel plaz da la tabella.
3. liga
Il venderdi saira ha il CB Trun-Rabius dà ordaifer cunter Triesen. Ils Sursilvans avevan quatter puncts pli pauc ch'il club dal Principadi da Liechtenstein avant il gieu. Cun la terrada da 2:4 resta Trun-Rabius dentant sin ses 16 puncts, e na vegn betg da sa distanziar in pau da la cua da la tabella.