A la cua da la tabella vegni pli stretg per il CB Trun/Rabius. Anc quatter puncts differenza ha l'equipa da la Cadi d'in plaz da relegaziun. Cunter Landquart hai dà dumengia ina sconfitta cun in cler 1:5.
La segunda equipa da Domat ha pudì ir per puncts cunter Flums ch'è sin il davos plaz. Uschia han ils da Domat anc quatter puncts pli pauc sin la tabella da la 3. liga.
USSI perda cunter Schaan
Il top-gieu da la terza liga è stà la sonda saira tranter l'US Schluein-Glion ed il FC Schaan – il duel tranter il segund e l'emprim en la tabella. L'USSI ha la finala pers quest gieu cun 2:3. Uschia restan ils Sursilvans sin ils 34 puncts e ston far adatg, ch'ils clubs rangads gist davostiers na pon betg surpassar els.
2. Liga
Er en la segunda liga èsi plitost stretg a la cua. Valposchiavo Calcio ha perquai pudì ir per in impurtant punct. Cunter Mels han els giugà 1:1 ed èn perquai sin plaz nov da la tabella. Els èn uschia quatter puncts avant Herisau ch'è sin in plaz da relegaziun. Montlingen e Brühl SG èn anc davos Valposchiavo.
L'emprima equipa da Domat ha medemamain giugà pari 1:1 ordaifer encunter Buchs. Domat è uschia sin la tschintgavla plazza da la tabella. Per Domat ch'è avanzà l'onn passà en questa liga è quai ina buna prestaziun da sa plazzar uschè lunsch davant en la tabella.
