L'emprim gieu da Valposchiavo Calcio en la segunda liga va a fin cun ina victoria per ils Grischuns. Els battan a chasa il FC Vaduz II cun 2:1. Valposchiavo ha la davosa stagiun dumagnà il pass da la terza, si en la segunda liga.
Era il FC Domat ha guadgnà l'emprima partida da la stagiun. Els èn stads ordaifer tar Abtwil-Engelburg ed han gudagnà la partida, cun 2:0.
La survista dals gieus datti qua:
Entschatta mediocra per las equipas sursilvanas
En terza liga han ils da Schluein Glion, ch'èn vegnids segunds la stagiun passada e vulan puspè cumbatter per la promoziun, e Landquart giugà pari 2:2.
Main bain ha il CB Trun/Rabius cumenzà la stagiun. L'equipa ha pers 1:2 cunter la segunda squadra dal FC Mels.
