En segunda liga interregiunala ha Cuira 97 gudagnà sonda suentermezdi ordaifer cunter Amriswil cun 4:2. Per Cuira èn quai trais puncts impurtants per sa distanziar vinavant dals plazs da relegaziun.
En la terza liga ha Schluein/Glion pers ordaifer en il Liechtenstein cunter il FC Ruggel cun 1:2. Per Schluein è quai ina frida en il cumbat per la promoziun en la segunda liga. Il concurrent direct Valposchiavo Calcio ha dumengia gudagnà cun 5:1 cunter Tusaun/Cazas ed è uschia stà bun da sa distanziar per 5 puncts da Schluein tschintg gieus avant la fin da la stagiun.
Il CB Domat II ha gudagnà la partida cunter il CB Trun/Rabius a chasa cun 4:3.
