Cuira ha finì l'emprima mesadad da la stagiun cun in pari a chasa cunter Uster. Grazia a gols da Mate Coric e Mateo Baturina era Cira oravant cun2:0 suenter 21 minutas. Suenter il 2:1 per Uster suenter ina mes'ura hai ditg guardà ora sco che Cuira pudess ir en la pausa d'enviern cun ina victoria. En la 87avla minuta è lura dentant anc gartegiada l'egualisaziun a la squadra da Turitg.
Top 5 en il meglier cas
Cun il 2:2 ha la squadra da la chapitala grischuna ramassà 23 puncts en 15 gieus. Actualmain è ella cun quai sin plaz 5 da la segunda liga interregiunala. Widnau, ch'è sin plaz 6 pudess dentant anc stumplar Cuira sin plaz 6 cun quai che Widnau ha pir dà 14 giadas. Cun ina victoria clera en la 15avla partida pudess er Tägerwilen anc surpassar Cuira.
Per Cuira va la stagiun vinavant ils 16 da mars ordaifer cunter il chau da la tabella Schaffusa.