Prevista Cuppa grischuna - In final sco quasi adina

audio

Las giugadras da Tusaun/Cazas e Domat avant il final da la Cuppa grischuna

03:25 min, ord Actualitad dals 18.05.2023. Maletg: RTR

laschar ir. Durada: 3 minutas 25 Secundas.

CB Domat – l'underdog cun fidanza

Las giugaduras dal CB Domat guardan spezialmain gugent enavos sin il final avant dus onns. En in final dramatic cun lutga da penaltis han ellas gudagnà per l'emprima giada la Cuppa grischuna. Che quella è stada ina victoria encunter il rival da Tusaun/Cazas ha fatg tant pli bel il triumf.

audio

CB Domat crai en la victoria cunter Cazas

02:53 min, ord Actualitad dals 15.05.2023. Maletg: RTR

laschar ir. Durada: 2 minutas 53 Secundas.

Gist perquai è la fidanza avant maun tar l'equipa dal trenader Daniel Casanova da repeter quest triumf. Cler, Tusaun/Cazas è sco equipa d'emprima liga favurit encunter Domat che dat en segunda liga. Cun in grond cumbat saja dentant segir pussaivel da vilentar u perfin franar il favurit, manegia la chapitania, Nicole Gartmann. Fitg impurtant or da vista da l'underdog è da tegnair ditg la nulla, da laschar nagin plaz a las adversarias e da na betg far sbagls en la defensiva.

00:58

video

4 dumondas al FC Domat

Or da Giuventetgna dals 13.05.2023.

laschar ir. Durada: 58 Secundas.

Daniel Casanova è gia dapi 21 onns trenader da l'equipa da dunnas dal CB Domat. Gia set giadas è el stà en il final da la Cuppa grischuna. Tuttina na saja il final mai rutina, i saja mintga giada puspè insatge spezial e tut auter ch'in normal gieu da campiunadi.

In final da la Cuppa grischuna è adina puspè ina grond'experientscha e tut è in zic pli grond che durant in gieu da campiunadi

Per il trenader èsi er impurtant che l'equipa n'emblida betg da giudair quest final. Il mintgadi turna numnadamain spert puspè. El campiunadi è il CB Domat en il cumbat encunter la relegaziun en terza liga.

Tusaun/Cazas - las favuritas vulan 9avel titel

audio

FC Tusaun/Cazas vul triumfar la 9avla giada

04:32 min, ord Actualitad dals 15.05.2023. Maletg: RTR

laschar ir. Durada: 4 minutas 32 Secundas.

Las giugaduras dal CB Tusaun/Cazas dastgans era numnar las reginas da la Cuppa grischuna da ballape. Dapi ch'i dat quest format era per las dunnas, èn ellas stadas tuttas 11 giadas en il final ed han triumfà 8 giadas. En il 12avel final vulan ellas vegnir in'ulteriura giada campiunessas grischunas. E surtut prender revanscha per il final pers avant 2 onns encunter las rivalas eternas da Domat. Insatge auter ch'ina victoria fiss ina trumpada, di Amina Horber, la suletta Rumantscha en il tricot da Tusaun/Cazas.

01:09

video

4 dumondas al FC Tusaun/Cazas

Or da Giuventetgna dals 13.05.2023.

laschar ir. Durada: 1 minuta 9 Secundas.

La stad vegni dus onns dapi che Mario Garcia è il nov trenader dal CB Tusaun/Cazas. Las giugaduras èn spir laud per il Spagnol, che haja purtà vinavant l'equipa e laschà far ellas in ulteriur svilup, di la chapitania Sina Casanova. E gist en si'emprima stagiun ha Mario Garcia manà l'equipa si en emprima liga e cun el a la lingia, ha l'equipa era triumfà en la Cuppa grischuna. E va era cun gronda fidanza en la missiun da defender il titel.

Sche nus vegnin da dar il ballape svelt d'emprima liga vegni grev per las adversarias da Domat

Sco favuritas e cun giugar en ina liga pli auta èsi cler che Tusaun/Cazas sto far gist dal cumenzament il gieu. Las defensuras dal titel èn conscientas ch'i vegn a dar in gieu emoziunal, era difficil, cunquai che las adversarias han nagut da perder. Las giugaduras da Tusaun/Cazas van uschia cun in pau dapli squitsch en quest final da la Cuppa grischuna. Abstrahà tge che capita, emprima prioritad ha il campiunadi. Il cumbat per restar en emprima liga è stedi preschent. Quatter gieus avant la fin è la meglra equipa da dunnas dal Grischun crudada sut il stritg e cumbatta encunter la relegaziun.

Tut ils finals da la Cuppa Grischuna da dunnas