Dapi la fin d'avrigl mancan blers giugaders impurtants ed uschia patescha natiralmain era la qualitad en l’equipa. Il CB Schlarigna na vegn betg pli da gudagnar: Las ultimas tschintg partidas ha Schlarigna pers tuttas. L’equipa è crudada sin la penultima plazza da la tabella.
Cunquai che in suenter l’auter e crudà ora, avain nus stuì nominar juniors A e l’equipa dals juniors A ha stuì giugar cun juniors B.
Suenter fitg bunas stagiuns uss ina main buna
Las ultimas duas stagiuns avant la pandemia da Covid-19 èn stadas fitg bunas per il CB Schlarigna. L’equipa aveva terminà il campiunadi sin plazza dus. Alura èn vegnidas la stagiuns scursanidas causa corona e la balla n'è betg pli rudlada uschè bain per il club. E la runda da primavaira da questa stagiun e stada la pli debla dapi che l’equipa dat puspè en quarta liga.
Terminar la stagiun actuala e mirar enavant
Tuttina è l’equipa anc adina motivada da dar ballape. Tuts vulan anc mussar ina buna ultima partida da glindesdi da Tschuncaisma ed alura sa concentrar sin la proxima stagiun. Sche tut ils giugaders ch’èn actualmain ferids turnan puspè è quai pussaivel.
