-
Bild 1 von 3. Dapi radund in onn dat Nino Niederreiter per ils Carolina Hurricanes. Bildquelle: Keystone.
-
Bild 2 von 3. Var 600 gieus ha il Grischun gia da en la NHL. Bildquelle: Keystone.
-
Bild 3 von 3. Suenter ils New York Islanders ed ils Minnesota Wild èn ils Carolina Hurricanes gia ses terz club en la NHL. Bildquelle: Keystone.
Nino Niederreiter è gia in pitschen routinier en la NHL. En ils ultims diesch onns ha el giugà per trais differents clubs (New York Islanders, Minnesota Wild, Carolina Hurricanes). Durant quest temp ha el giugà var 600 gieus e sajettà 140 gols. Tants gols n'ha uschiglio betg in soli giugader svizzer sajettà en la NHL.
Dapi radund in onn dat il giugader da Cuira tar ils Carolina Hurricanes. Suenter in fitg bun cumenzament, en la nova stagiun ha el fadia da chattar la furma. Oravant tut en l'offensiva n'è el betg tuttina effectiv sco l'onn passà. Pir 5 gols ha el sajettà per sia equipa.
Nino Niederreiter
Fidanza dal trenader
Malgrà ch'el ha mo sajettà 5 gols en 44 gieus da campiunadi giauda Nino Niederreiter gronda fidanza dals responsabels dals Carolina Hurricanes. Fin uss è il Grischun stà en acziun en mintga gieu da campiunadi. Savens ha el perfin dà en l'emprima lingia. Malgrà che la productivitad manca, mussa quai ch'el è fitg custaivel per sia equipa. Il giugader da 27 onns gioga, malgrà ch'el è attatgader, fitg ferm defensiv.
RTR actualitad 08:00