Cun Arno Del Curto a la banda:
-
Bild 1 von 9Legenda: Passiunà ed engaschà dapi il cumenzament – Arno Del Curto en in portrait dals 9 da mars 1997. Keystone -
Bild 2 von 9Legenda: Cunter Servette il settember 2003. Keystone
-
Bild 3 von 9Legenda: Cunter il ZSC ils 16 da settember 2008. Keystone
-
Bild 4 von 9Legenda: Tar in time-out cunter il HC Fribourg-Gotteron ils 14 da mars 2009. Keystone
-
Bild 5 von 9Legenda: Cunter ils Kloten Flyers ils 13 da mars 2010. Keystone
-
Bild 6 von 9Legenda: Per muments er quasi quiet – cunter il HC Lugano ils 15 da favrer 2011. Keystone
-
Bild 7 von 9Legenda: Ils 7 da schaner 2017 cunter il HC Lugano. Keystone
-
Bild 8 von 9Legenda: Ils 6 d’october 2018 cunter il EHC Bienna. Keystone
-
Bild 9 von 9Legenda: Ils 16 da november 2018 tar il gieu cunter il HC Lausanne. Keystone
Arno Del Curto (62) ha marcà il Club da Hockey da Tavau sco strusch ina persunalitad avant el. Quai n'haja el betg be fatg sin il livel sportiv, ma er sin quel uman, scriva il HCD en sia communicaziun a las medias da questa bun'ura a las 10:30. Quai haja el fatg «sco gronda persunalitad: Pretensius e promovend, dentant er protegind e gidaivel».
auios
In sguard sin la carriera dad Arno Del Curto:
1992 – success sco trenader cun il ZSC
Sia carriera sin il glatsch finescha tar il ZSC – sia carriera a la banda cumenza là. Suenter ina u l'autra storta tar in u l'auter club cumpara Arno Del Curto il 1991 sco trenader puspè tar il ZSC. Gia l’emprima stagiun finescha el cun in success: Il ZSC gudogna il quart final en il playoff cunter Lugano.
1996 – in’era cumenza
Il 1996 suttascriva l’Engiadinais Arno Del Curto sco trenader tar il HCD. A Tavau responsescha el in’istorgia da success:
- 6 x campiun svizzer – 2002, 2005, 2007, 2009, 2011, 2015
- 5 x campiun da Cuppa Spengler – 2000, 2001, 2004, 2006, 2011
- 2015/16 mez-final da la Champions Hockey League
2018 – il turbo stagnescha
En la 23avla stagiun cun Arno Del Curto sco trenader stagneschia il turbo – quai scriva il HCD sez en sia communicaziun a las medias dad oz mardi. Il HCD è en ina da sias pli grevas crisas insumma: En 21 gieus ha el realisà be 20 puncts.
Sper la communicaziun da la demissiun da Del Curto sin la pagina dal HCD en la rait stà la rangaziun actuala da la «National League»: Tavau è sin plazza 11 da 12. L'emprima giada dapi il 1993 saja da temair, ch'il HCD vegnia betg en ils play-offs, scriva il HCD.
27 da november 2018 – la demissiun
La Svizra da hockey sa dumandava gia curt suenter il cumenzament da la stagiun, cura ch'il trenader Arno Del Curto sa retiria. Anc il cumenzament d'october na veseva il president Gaudenz Domenig tuttina nagin motiv da dubitar vi dad Arno Del Curto sco trenader u sco schef da sport.
Uss ha Arno Del Curto sez procurà per la surpraisa ed ha tratg il stritg. Questa bun'ura a las 10:30 ha il HCD annunzià la demissiun dad Arno del Curto. L'ultima impressiun restia, schess in proverbi – dentant:
Betg uschia tar Arno. Ils blers gieus magics e las notgs, ils mais ed ils onns ch'el ans ha regalà cun il HCD, restan nunemblidaivels.
Ils schefs dal club sperian uss «da chattar cun in nov trenader ord il bass».
RR novitads 11:00++