Quai ch'è vegnì speculà las davosas emnas è ussa realitad. Il skiunz austriac Marcel Hirscher sa retira. Quai ha el sez communitgà a la televisiun austriaca. Cun Hirscher banduna il dominatur dals davos diesch onns il circus da skis.
En ses 12 onns ch'el ha fatg cursas da la cuppa mundiala ha Hirscher gudagnà 67 da quellas. 8 giadas è el stà a la fin da la stagiun a la testa dal classament general da la cuppa mundiala. Latiers vegnan 5 titels da campiun mundial e dus da campiun olimpic.