Naziunal/Internaziunal - Festa cun il campiun olimpic Nino Schurter
Grond di da festa en la chapitala grischuna, quai cun Nino Schurter, il nov campiun olimpic da mountainbike. Schurter, oriund da Tersnaus, ha gudagnà questa stad a Rio aur olimpic en la disciplina cross-country ed uschia encurunà sia carriera.
Suenter bronz il 2008 a Peking ed argient il 2012 a Londra ha el pudì cumplettar quest onn il set da medaglias olimpicas. Plinavant è Nino Schurter er vegnì quest onn campiun mundial a Nove Mesto, quai gia per la 5avla giada en sia carriera.
audio
Festa per il mountain-biker Nino Schurter
06:36 min, ord Sportissimo dals 08.10.2016.
laschar ir. Durada: 6 minutas 36 Secundas.
03:02
video
Intervista cun Nino Schurter
Or da Actualitad dals 09.10.2016.
laschar ir. Durada: 3 minutas 2 Secundas.
Ensemen cun la citad da Cuira, nua che Schurter è oz da chasa, il Club da fans, il Club da velo Surselva ed amias ed amis dal sport da mountainbike è vegnì festivà il campiun olimpic rumantsch ed anc ina giada laschà repassar ils success dal 2016.
Nino Schurter ha er retschavì intgins regals, tranter auter è ina ruta da bike en la regiun da Brambrüesch ch'è vegnida numnada suenter el, il «Nino Schurter Trail.»
1 / 5
Legenda:
Cuira e ses champ.
Keystone
2 / 5
Legenda:
L'escorta da fans entras la citad da Cuira.
Keystone
3 / 5
Legenda:
Urs Marti gratulescha a «ses» campiun Nino Schurter.
RTR, Andreas Wieland
4 / 5
Legenda:
Gimme-five cun il campiun olimpic a Cuira.
Keystone
5 / 5
Legenda:
Ils fans festiveschan a Cuira «lur» campiun Nino Schurter.
RTR, Andreas Wieland