Il scenari per ils mountainbikers Vital Albin ed Ursin Spescha da la categoria U23 è cler. En la cursa da la cuppa mundiala da la fin dal mais a La Bresse ston els vegnir tranter ils emprims 25. Be uschia han Vital Albin da Tersnaus ed Ursin Spescha da Sevgein lur plaz fix al CM dal settember a Lai.
Las speranzas che quai grategia èn grondas. Ed anc pli gronda fissi la trumpada sch'els na dumagnassan betg questa schanza probabel unica da pudair parter ad in campiunadi mundial en patria.
RR sportissimo 12:00