Ils Young Boys ston tschertgar in nov trenader: Adi Hütter mida dal campiun svizzer tar Eintracht Frankfurt en la Bundesliga tudestga. Quai ha confermà il club tudestg. El succeda a Niko Kovac che mida tar Bayern München.
L'Austriac da 48 onns aveva manà ils Bernais a l'emprim titel da campiun svizzer dapi 32 onns. Dumengia en in'emna ha YB plinavant la schanza da gudagnar il dubel, quai en il final da la cuppa svizra cunter il FC Turitg.
RR novitads 18:00