Lugano avess atgnamain stuì decider la partida bler pli baud. Gist duas giadas èn ils da Lugano ids en avantatg. Suenter 27 minutas manavan ils Tessinais cun 2:0. Entras in gol da Knak e l'emprim gol da Joe Thornton ha il HCD dentant pudì egualisar la partida en la 45avla minuta. Sulettamain trais minutas pli tard è Lugano dentant puspè ì en avantatg.
Il gieu era atgnamain gia a la fin cura ch'il HCD ha prendì or il goli per dar cun 6 giugaders – duas secundas avant la fin dal temp regular han ils Grischuns alura tuttina anc savì sajettar entras Nygren il 3:3. En la prolungaziun ha Lugano dentant decis la partida. Per Lugano èsi stà l'emprima partida suenter la quarantina.
Ils ulteriurs resultads da la saira
- Berna 6:0 Bienna
- Lakes 3:2 s.pl. SCL Tigers
- Losanna 3:2 Ambri
- Zug 8:2 ZSC Lions
Zug sa chatta suenter la victoria cunter il ZSC da nov a la testa da la tabella. Il HCD percunter sa chatta sin posiziun 11, ha dentant er giugà pli paucas partidas che tschellas equipas.
