En il final da l’occurrenza en la halfpipe da Laax resulta ina trumpada per ils snowboardists svizzers. Il meglier daventa David Hablützel sco 6avel. Jan Scherrer fa plaz 7, e Pat Burgener plaz 11.
La victoria da l’emprima concurrenza da la cuppa mundiala da questa stagiun – va al Giapunais Yuto Totsuka. El ha distanzià il favurit da l’Australia, Scotty James, per radund dus puncts. Terz daventa in ulteriur Giapunais, Ruka Hirano.
video
Il run che ha purtà la victoria a Yuto Totsuka
Or da Sport-Clip dals 23.01.2021.
laschar ir. Durada: 1 minuta 44 Secundas.
Nagina surpraisa tar las dunnas
La victura al Laax Open è sco spetgà l’Americana Chloe Kim. Ella ha gudagnà avant in trio giapunais – numnadamain Mitsuki Ono, Sena Tomita e Haruna Matsumoto. A las Svizras n’eri betg gartegià da sa qualifitgar per il final.
