Il HCD ha gudagnà la partida ordaifer cunter Ambri cun 4:3 suenter prolungaziun. Il gol decisiv ha sajettà Dennis Rasmussen en la 64avla minuta. Suenter l'emprim terz manava Ambri anc cun 2:1 . Durant il segund terz ha il Club da Hockey da Tavau lura pudì egualisar al 2:2. En il davos terz manava lura il HCD puspè cun 3:2 grazia al gol da Dennis Rasmussen. En la 50avla minuta ha dentant Tim Heed dad Ambri egualisà al 3:3 ed i ha perquai dà la prolungaziun.
Grazia a la victoria da questa saira resta il HCD sin plazza 4 da la tabella. Questa plazza garantiss la qualificaziun directa per ils playoffs.
Ils resultats da las ulteriuras partidas
- Ajoie - SCL Tigers 1:0
- Bienna – Fribourg 3:0
- Kloten – Losanna 2:3 suenter penaltis
- Lakers – Berna 6:2
- Lugano – Genevra 4:3 suenter penaltis
