Carlo Janka e Mauro Caviezel manchentan l'entschatta da la stagiun da la cuppa mundiala da skis. Quai ha communitgà Swiss Ski.
Carlo Janka na vegn betg ad esser da la partida a las cursas da speed a Lake Louise e Beaver Creek. Il Grischun ha anc adina mal il dies. Sumegliantamain cumbatta Mauro Caviezel anc adina cun las consequenzas da ses accident da l'enviern passà. Là era el cupitgà ed ha tranter auter survegnì ina squassada dal tscharvè.
