Suenter dis turbulents plain discussiuns ha il comitè d'organisaziun decis, co manar tras la Cuppa Spengler tradiziunala. Era sche il Team Canada ed Ambrì-Piotta na pon betg esser da la partida, ha la Cuppa Spengler lieu sco previs tranter Nadal e Daniev. Il comité d'organisaziun ha pudì cumplettar il turnier cun duas autras equipas.
HC Slovan Bratislava e selecziun bernaisa
Be paucas uras suenter che Ambrì e Canada han ditg giu a la Cuppa Spengler è quella ussa puspè cumpletta. Da nov sa participescha l'equipa slovaca HC Slovan Bratislava. E sco quai ch'il comité d'organisaziun communitgescha, cumplettescha ina selecziun bernaisa la tradiziunala cuppa a Tavau. Uschia furman divers giugaders dal SC Berna, dals SCL Tigers e da Bienna ensemen la sisavla squadra.
Mumentan po uschia il turnier vegnir giugà sco usità cun duas gruppas da trais equipas.
