Ad ina conferenza da video han ils clubs da la pli auta liga da hockey en Svizra discutà areguard il svilup actual. Il resultat: il campiunadi da hockey cuntinuescha. En vista al plan da gieus pulpì ed ils gieus olimpics na stettia in'interrupziun betg en discussiun - ni ord vesta sportiva, ni economica.
Pliras equipas en quarantina
En il mument sa chattan tschintg equippas da la National League en quarantina: Tavau, Zug e Lugano, sco da nov er Losanna ed Ajoie. Vitiers èn trais arbiters en isolaziun. Ils blers giugaders e funcziunaris ch'èn vegnids testads positiv sin il coronavirus han tenor communicaziun mo levs sintoms. Pervia da las reglas da quarantina èn gia pliras partidas vegnidas spustadas.
