Per pli ditg vala il nov contract ch’il Club da hockey da Tavau ha fatg cun Magnus Nygren. Il defensur svedais da 30 onns ha prolungà ses contract per 3 ulteriuras stagiuns, almain fin la fin da la stagiun 2023/24.
Nygren è dapi la stad dal 2017 tar il HCD. Il giugader cun blera rutina duai dar segirezza e stabilitad als numerus defensurs giuvens, ha communitgà il HCD. En la stagiun actuala ha Nygren sajettà 13 gols e dà 19 assists.