Il Club da Hockey da Tavau è sa qualifitgà anticipadamain per l’otgavelfinal da la Champions Hockey League. Il HCD ha gudagnà a chasa cunter Ocelari Trinec da la Tschechia cleramain cun 4:0 e na po uschia betg pli vegnir stgatschà dals emprims dus plazs da la tabella.
Friburg – che dat pir oz – po medemamain planisar la fasa da k.o. Perquai che Ilves Tampere ha gudagnà cunter ils Stavanger Oilers cun 4:1 vegn er Gottéron a terminar la fasa da gruppa almain sin il segund plaz.
Gia qualifitgà per la fasa da k.o. eran ils ZSC Lions. Els han dentant pers ier saira ordaifer cunter ils Svedais da Rögle cun 2:3 suenter prolungaziun.